سینان قلمیمه اَسن الیمه
سینان قلمیمه اَسن الیمه
دیلیمده چاش دوشن سؤزلریمه باخ
من کی بو مئیدانین پهلوانی‌ایدیم
ایندی یئره گلن دیزلریمه باخ
عیسی تک چکیلیب دارا گئدیرم
سینه‌مده ساغالماز یارا گئدیرم
من هاردان گلمشدیم هارا گئدیرم
یولوما نظر سال ایزلریمه باخ
فلک آلدیغینی الیمدن آلیب
قلبیمی داشلاردان داشلارا چالیب
نه قدر آرزولار یاریمچیق قالیب
اوخوماق ایسته‌سن گؤزلریمه باخ
زلیمخان - یعقوب
قلمینه عشق اولسون استاد
@heydarbaba57🍃🌺
برچسب: ،
امتیاز:
بازدید:
