موردو چایی ( رودخانه مردق )

.قاداسین آ لیم......     

اوره گی پاک ذاتی تمیز اولانین  
 ائل دردیندن بولود کیمین دولانین   
دردلر چکیب غملر یییب  سولانین   
بئله  بیر انسانین قاداسین آلیم 

ائل ایچینده حورمت قویا  اوزونه 
دانیشاندا  دیققت  ائده  سوزونه 
گول له وورسان حاققی دئیه دوزونه 
بئله بیر انسانین قاداسین آلیم 

شرفین  وئجدانین پولا  ساتمیان 
وفالی دوستونو گوزدن آ تمیان 
 نامردلرین  دالداسیندا  یاتمیان 
بئله بیر انسانین قاداسین آلیم 

ووقارلا  دولانا   ائل آراسیندا 
چالیشا دردلرین اوداواسیندا 
ائله  مَلهَم اولا  ائل یاراسیندا 
بئله بیر انسانین قاداسین آ لیم 

ائلین درد غمینی چکن انسانین 
محبت قدرینی   بیلن  انسانین 
فاغیرین  گوزیاشین سیلن انسانین
بئله بیر انسانین قاداسین آلیم   

ائلی اوچون چوخ دوشونوب یانا نین
عاریف اولوب چوخلو سوزلر قانا نین 
حسرت ،،دئیر  بئله ائگید جانانین
بئله بیر انسانین قاداسین آ لیم 

 سوزلر
 حسرت معللیمآن 

‏‌‌‌‌‌‌‌‌‌‌‌‌‌‌‌‌‌‌‌‌‌‌🍃🌺👇👇
‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‌‌╭─┅─═ঊঈ💝ঊঈ═─┅─╮ 
   🍃   @heydarbaba57🍃🌺
کانال.🎸 حیدرباباسلام
╰─┅─