کوچه میزده
(کوچه میزده)
نیسگیل آغاجی هئی گتیریر بار کوچه میزده
کهلیک یئرینه دالدالانیر سار کوچه میزده
بوردا،بو داراشلیق کوچه ده یوخ یوخوموزدو
عاغلیندان اینان هر نه کئچیر وار کوچه میزده
دوُرد آیدی کی اسفندی یولا سالمیشیق آمما
بیلمم کی نه دندیر اریمیر قار کوچه میزده
قورخوتمورام،آددیم باشی جان قورخوسو واردیر
هر دیقه اوُلوم فیشقا چالیر دار کوچه میزده
گوردون کی ایشین داردادی قیشقییرما یالاندان
هئچ کیم سسینی دویمایاجاق کار کوچه میزده
مهران! بیر آغاج اکمیشیک اینسانلیق آدیندا
بیلمم نییه وئرمیر بو آغاج بار کوچه میزده.
(مهران عباسیان)
@heydarbaba57🍃🌺
برچسب: ،
امتیاز:
بازدید:
