موردو چایی ( رودخانه مردق )

علمدار کربلا
من ابوالفضلم جماعت آز دییین سقا منم 
اولمیشام شرمنده اصغردن یانوب دونیا منه
اوخ دگیب مشکیم جالاندی تار اولوب دونیا منه 
دوشدو بیر جوت قوللاریم مولا نی گوزدن آتمادم
من حسینین بیر توکون قصر یزیده ساتمادم
هر بلایه دوشسه انسان ال ادر درمانینی
بیر گوزه پیکان دیه تز ال چکر پیکانینی 
هر بشر اوز الریله حفظ ائدر اوز جانینی 
چون یوخدو اللریم بو درده چاره تاپبام
من حسینین بیر توکون قصر یزیده ساتمادم 

قولسوزویودوم وردلار آهن عمودی باشیمه
پارچالاندی باش بوتون قان آخدی بو گوز یاشیمه
سسلدیم آتدان دوشنده داده گل قارداشیمه
حیف اولا ،بیر مشک سو  الده خیامه چاتمادم
من حسینین بیر توکون قصر یزیده ساتمادم 

قویمادیم مظلوم آنام توپراقه دوشسون پیکریم
سسلدی گل سینه مه اول سینه یاره مادریم
اوخشادی هم آغلادی امداده گلدی سروریم
من بوکولموش قدینی گوردوقجه راحت یاتمادم 
من حسینین بیر توکون قصر یزیده ساتمادم 

شعرچاپ نشده  در باره حضرت اباعبدالله الحسین (ع )
از شاعر اهل بیت (ع) کربلایی قادر خانبابایی- ( شهرستان ملکان)

🌴🌴🌴🌴🌴🌴🌴🌴🌴🌴🌴🌴

کپی شعر بدون اسم شاعر حلال نیست 

🍀🌳🌴🍀🌳🌴🍀🌳🌴🍀🌳🌴🍀🌳🌴

🌾🌿🌻🌾🌿🌻🌾🌿🌻